Ciudad
Santiago de Compostela
Dirección
Avenida de Fernando de casas Novoa
Hoxe sentamos á mesa cun menú que arrecende a risotto para celebrar o Día Mundial da Vida Silvestre. Neste episodio conversamos con Marisa Castro, escritora, micóloga e profesora na Universidade de Vigo, sobre a biodiversidade que medra ao noso carón: plantas medicinais e aromáticas, fungos que tecen redes invisibles baixo o chan e saberes transmitidos, moitas veces, polas mans das mulleres. Falamos de curandeiras, de identidade cultural e aproveitamento sostible, de ciencia e literatura dialogando co territorio. Un xantar para lembrar que conservar a vida silvestre é tamén coidar o coñecemento que medra con ela. Que aproveite!
O Proxecto EcoBosque forma parte dunha estratexia integral de recuperación ambiental, coidado da biodiversidade e participación cidadana, promovida polo Concello de Santiago de Compostela e c o apoio da Fundación Biodiversidade do Ministerio para a Transición Ecolóxica e o Reto Demográfico (MITECO). Esta iniciativa está integrada no Plan de Recuperación, Transformación e Resiliencia (PRTR), financiado pola Unión Europea - NextGenerationEU.
